Засгийн газрын 2024 оны 237 дугаар тогтоол, Засгийн газрын хэрэгжүүлэгч агентлаг Хүүхэд гэр бүлийн хөгжил, хамгааллын Ерөнхий газрын 2024 оны 03/857 албан бичгээр ирүүлсэн чиглэлийн дагуу дүүргийн Хүүхэд гэр бүлийн хөгжил, хамгааллын хэлтсийн дарга Ц.Үүрцайх 2025 оны 02 дугаар сарын 14-ны өдрийн тушаалаар дүүргийн 43 хороонд шинээр томилогдон ажиллах Хүүхэд, гэр бүлийн нийгмийн ажилтнуудыг хүлээн авч уулзлаа. Үйл ажиллагааг нээж хэлтсийн дарга Ц.Үүрцайх Хүүхэд, гэр бүлийн нийгмийн ажилтнаар томилогдсон нийгмийн ажилтнуудад баяр хүргэн, цаашдын ажилд нь амжилт хүсч, хамтран ажиллахаа илэрхийлэн томилогдсон тушаалыг танилцуулан, хөдөлмөрийн гэрээ байгуулж, ажлын газрын үнэмлэх гардуулан өглөө. Тус хэлтсийн Захиргааны тасгийн ахлах мэргэжилтэн П.Хишигжаргал, Хүүхэд, гэр бүлийн хөгжил, хамгааллын тасгийн ахлах мэргэжилтэн Г.Гэрэлцэцэг нар ажлын байрны тодорхойлолтод заагдсан чиг үүргийн талаар танилцуулан ойлголт, мэдээлэл өглөө. Хэлтсийн зүгээс Хүүхэд, гэр бүлийн нийгмийн ажилтнууддаа “Хүүхэд хамгааллын тухай хууль”-ын эмхэтгэл, хавтас, Хүүхдийн байдлын индекс эмхэтгэл гэх мэт ажилд хэрэглэх зүйлсийг гардуулан өгч амжилт хүслээ. Мөн шинээр томилогдсон Хүүхэд, гэр бүлийн нийгмийн ажилтнуудыг ажлын байрны чиг баримжаа олгох зорилгоор Хорооны Засаг дарга, нийгмийн ажилтан нартай уулзуулан цаашид хамтран ажиллах талаар зөвлөгөө мэдээлэл өглөө.

Хүүхдийн оролцооны өөрийн удирдлагын байгууллагуудын чадавхыг бэхжүүлэх, сайн туршлагыг түгээхээс гадна хүүхдийн бодит оролцоог дэмжиж, тулгамдаж буй асуудлуудыг тодорхойлох, шийдвэрлэх арга замуудыг хамтдаа эрэлхийлж, санал зөвлөмжийг шийдвэр гаргагч нарт танилцуулах, хүүхдийн эрхийн хэрэгжилтийг хангахад Хүүхдийн төлөө зөвлөл, салбар дундын хамтын ажиллагааг бэхжүүлэх зорилгоор “ОРОЛЦЪЁ-НӨЛӨӨЛЬЕ” Баянзүрх дүүргийн “ХҮҮХДИЙН ЧУУЛГАН-2024” арга хэмжээг 2024 оны 11 дүгээр сарын 29-ний өдөр зохион байгууллаа. ХҮҮХДИЙН ЧУУЛГАНД:  Дүүргийн ерөнхий боловсролын сургуулиудын төлөөлөл бүхий 330 хүүхэд болон шийдвэр гаргагч удирдлагууд, төрийн болон төрийн бус байгууллагуудын төлөөлөл оролцлоо.  Үндсэн илтгэлийг дүүргийн Засаг дарга бөгөөд Хүүхдийн төлөө зөвлөлийн тэргүүн Г.Жаргалсайхан “Хүүхдийн хөгжлийг дэмжих жил”-ийн хүрээнд хийж хэрэгжүүлсэн ажлаа танилцуулсан бол дүүргийн Хүүхдийн зөвлөлийн тэргүүн Б.Мөнхзаяа “Тэгш оролцоо, хязгааргүй боломж” илтгэлийг танилцуулсан.  Мөн чуулганы өмнө зохион байгуулсан 6 дэд хэлэлцүүлгээс гарсан саналыг илтгэлээр танилцуулж, панел хэлэлцүүлгээр гарсан саналыг хэлэлцүүлэн, хүүхдүүдийн асуултад хариулт өгсөн.  Чуулганыг хамтран зохион байгуулсан Цагдаагийн газар, дүүргийн Хүүхдийн зөвлөл, Улаан загалмайн хороо, “Дэлхийн зөн” ОУБ, “Гүүд нейборс” ОУТББ, “Санрайс холбоо” ТББ байгууллагууд хүүхдүүдэд өртөөчилсөн үйл ажиллагааг танилцуулан ажилласан.  Хүүхэд, гэр бүлийн хөгжил, хамгааллын ерөнхий газрын даргын 2024 оны 10 дугаар сарын 22-ны өдрийн А/244 дугаар тушаалаар баталсан “Хүүхдийн элч”-ийг сонгон ажиллуулах журмын хүрээнд чуулганд оролцсон хүүхдүүдийн саналаар дүүргийн ХҮҮХДИЙН ЭЛЧЭЭР - УИХ-ын даргын Хууль зүйн бодлогын зөвлөх, CleanUP төслийн санаачлагч, НҮБ-ийн нийгэмлэгийн гишүүн- Н. БУЛГАНТАМИР -МУИС-Экологич мэргэжлээр суралцаж байгаа оюутан Б.ОТГОНГҮНЖ -Баянзүрх дүүргийн Улаан загалмайн хорооны Хүүхэд залуучуудын хөдөлгөөн хариуцсан арга зүйч-А.СОЁЛОО нар сонгогдлоо.

“Бага насны хүүхдийн цогц хөгжил”-ийг дэмжих ажлын хүрээнд эцэг, эхчүүдэд бага насны хүүхдийн эрүүл мэнд, хоол тэжээл, хүүхдийн хөгжил, төлөвшил, хүүхдийн эрх, гэр бүл, асран хамгаалагчийн үүрэг, оролцооны талаар цогц мэдлэг олгох сургалтыг Баянзүрх дүүргийн цэцэрлэгүүдэд зохион байгуулан ажиллаж байна. Сургалтад 10 цэцэрлэгийн 800 гаруй эцэг, эх, асран хамгаалагч хамрагдаад байна. Хамтран ажилласан Баянзүрх дүүргийн Боловсролын хэлтэс, цэцэрлэгүүдийн эрхлэгч, арга зүйч, багш, эцэг эх, асран хамгаалагч нартаа баярлалаа.

Баянзүрх дүүргийн Тамгын газрын Нийгмийн хөгжлийн хэлтэстэй хамтран хороодын нийгмийн ажилтнуудын хуулиар хүлээсэн чиг үүргээ хэрэгжүүлэхэд арга зүйн зөвлөгөө өгөх, Хүүхдийн тусламжийн утас-108 дугаарын утсанд ирсэн дуудлага, мэдээллийн шийдвэрлэлт, анхаарах асуудал, нийгмийн ажлын мэргэжлийн үйлчилгээний чанар хүртээмжийг дээшлүүлэх зорилгоор “Кейс менежмент” сургалт хэлэлцүүлгийг зохион байгуулж байна

Гэр бүл, хүүхэд залуучуудад чиглэсэн хөгжил оролцоог дэмжин хамтран ажиллах Аж ахуйн нэгж, Төрийн бус байгууллагын хүсэлтийг хүлээн авч байна.