👉Баянзүрх дүүргийн Прокурорын газар, Хүүхэд, Гэр бүлийн хөгжил, хамгааллын ерөнхий газартай хамтран хэлтсийн даргын удирдамж, хуваарийн дагуу тус дүүрэг дэх 10 асрамж халамжийн төвд “Хүүхэд асрах хувилбарт үйлчилгээ үзүүлэх журам”-ын 10 дугаар зүйлийн 10.3 дахь хэсэг, Гэр бүл, хөдөлмөр нийгмийн хамгааллын сайдын 2026 оны 02 дугаар сарын 13-ны өдрийн А/32 дугаар тушаалаар батлагдсан “Хүүхдийн эрхийн улсын байцаагчийн урьдчилан сэргийлэх хяналт шалгалтын төлөвлөгөө”, А/33 дугаар тушаалаар батлагдсан 2026 оны “Хяналт шалгалтад хамрагдах объектын жагсаалт”-ыг үндэслэн дүүргийн дэвсгэрт үйл ажиллагаа явуулж байгаа хүүхдийн асрамж халамжийн төвүүдэд “Хүүхдийн эрхийн тухай хууль”, “Хүүхэд хамгааллын тухай хууль”, “Хүүхэд асрах хувилбарт үйлчилгээ үзүүлэх журам" тэдгээртэй нийцүүлэн гаргасан дүрэм, журам, стандартын хэрэгжилтэд урьдчилан сэргийлэх хяналт, шалгалт хийж, холбогдох хяналтын хуудсаар эрсдэлийн болон хууль сахин мөрдөлтийн түвшинг тогтоож, болзошгүй осол гэмтэл, эрсдэлээс урьдчилан сэргийлэх, илэрсэн зөрчил дутагдлыг арилгуулах, гэмт хэрэг зөрчил, болзошгүй эрсдэлийг илрүүлэх, судалгаа хийх хяналт шалгалтыг 2026 оны 05 дугаар сарын 18-ны өдрөөс 06 дугаар сарын 03-ны өдрийг дуустал зохион байгуулж ажиллалаа.

✅Олон улсын хүүхдийн эрхийг хамгаалах өдрийг тохиолдуулан “Баянзүрх дүүргийн хүүхдийн баяр”-ын арга хэмжээг 4 дүгээр хороо, хотхоны хөлбөмбөгийн талбай “Гүег хотхон”-д амжилттай зохион байгууллаа. 👉Тус хэлтсийн асар нь: 🔹Эх, нярайн хэсэг бүхий “Хүүхэд, гэр бүлийн асар” 🔹Хүүхэд багачууд зураг зурж, будах хэсэг 🔹Хүүхдийн нүүрэн дээр зураг зурах “Face Painting Zone” 🔹Гэр бүл, найз нөхдөөрөө зураг авахуулах “Photo Booth” зэрэг олон төрлийн үйл ажиллагаанаас бүрдлээ. 👉Хүүхэд багачуудын оролцоог дэмжих, хөгжөөнт арга хэмжээг зохион байгуулах зорилгоор: 🔹 “Дүдү машины тэмцээн” 🔹“Корнхоллын тэмцээн” 🔹“Зургийн уралдаан”-ыг тус тус зохион байгууллаа. 👉Тэмцээнүүдэд: 🔹 Дүдү машины уралдаанд 17 хүүхэд, 🔹Корнхоллын тэмцээнд 15 хүүхэд, 🔹Зургийн уралдаанд 50 хүүхэд оролцож, авьяас чадвараа сорин өрсөлдлөө. 🎉Мөн хүүхдийг төөрөх, алга болох эрсдэлээс урьдчилан сэргийлэх зорилгоор эцэг, эх, асран хамгаалагчийн утасны дугаар бичих хэсэг бүхий гарын бугуйвчийг 300 гаруй хүүхэд багачуудад тараан ажиллалаа. 👍Арга хэмжээг хамтран зохион байгуулсан “Монголын Сайн Дурынхны Төв”-д талархал илэрхийлье.

✅Баянзүрх дүүргийн Хүүхдийн эрхийн хууль зүйн хорооны ээлжит бус хурал боллоо. 📅Баянзүрх дүүргийн Хүүхдийн эрхийн хууль зүйн хорооны ээлжит бус хурал 2026 оны 05 дугаар сарын 25-ны өдөр зохион байгуулагдлаа. 📌Хурлаар хэрэг хянан шийдвэрлэх ажиллагаанд оролцогч хүүхдэд үзүүлсэн хүүхэд хамгааллын үйлчилгээний талаар танилцуулан цаашид авч хэрэгжүүлэх арга хэмжээг хэлэлцүүлэн шийдвэрлэж ажиллалаа.

📣БАЯНЗҮРХ ДҮҮРГИЙН ХҮҮХДИЙН ЗӨВЛӨЛИЙН НЭЭЛТТЭЙ ГИШҮҮНЧЛЭЛ ЗАРЛАГДЛАА. “ТЭГШ ОРОЛЦОО-ХЯЗГААРГҮЙ БОЛОМЖ” уриатай Монголын хүүхдийн зөвлөл нь 2022 оны 07-р сарын 20-нд үндэсний хэмжээнд үүсгэн байгуулагдаж 21 аймаг, 9 дүүрэгт салбартайгаар ХҮҮХДИЙН ӨӨРИЙН УДИРДЛАГЫН ДЭЭД БАЙГУУЛЛАГА болон үйл ажиллагаагаа явуулж байна. ✅Хүүхэд бүрд ТЭГШ ОРОЛЦОХ, ХЯЗГААРГҮЙ БОЛОМЖ олгох зорилгоор Баянзүрх дүүргийн хүүхдийн зөвлөлийн НЭЭЛТТЭЙ ГИШҮҮНЧЛЭЛ ийнхүү зарлагдаж байна. Та өөрийн хаана амьдарч, сурч байхаас үл харгалзан 18 хүртэлх насны хүүхэд бүр Баянзүрх дүүргийн хүүхдийн зөвлөлийн гишүүн болох ХЯЗГААРГҮЙ БОЛОМЖ бүгдэд нь НЭЭЛТТЭЙ боллоо. 💡Та Баянзүрх дүүргийн хүүхдийн зөвлөлийн гишүүн болсноор: - Хүүхдийн хөгжил, оролцоог дэмжих, хүүхдийн эрхийг хамгаалах чиглэлээрх үйл ажиллагаанд үе тэнгийнхнээ төлөөлөл, дуу хоолой болон оролцох; - Чадварлаг баг хамт олон, эерэг хүрээллийг бий болгон хамтдаа суралцаж, өсөж дэвших; - Идэвх оролцоогоороо манлайлан, үндсэн гишүүн болох гэх мэт олон боломжууд таныг хүлээж байна… 📌Гишүүнээр элсэх АЛХМУУД: Алхам-1: Доорх холбоосоор нэвтрэн гишүүнчлэлийн маягтыг бөглөх Алхам-2: 10 хоногийн дотор БАТАЛГААЖУУЛАХ МЭЙЛ хүлээн авах Алхам-3: Мэдээллийг цаг тухай бүрд нь авч, төлөвлөсөн үйл ажиллагаанд идэвхтэй оролцох. 📌ГИШҮҮНЧЛЭЛИЙН БҮРТГЭЛИЙН МАЯГТ: https://docs.google.com/.../1FAIpQLSfcKUfl0RH.../viewform... БИДЭНТЭЙ НЭГДЭЭРЭЙ!🤩 “ТЭГШ ОРОЛЦОО-ХЯЗГААРГҮЙ БОЛОМЖ”

✅Хүүхдийн тоглоомын талбайн аюулгүй байдал, эрүүл ахуй, стандартын хэрэгжилтийг шалгах, эрсдэлийг илрүүлэх, урьдчилан сэргийлэх чиглэлээр 43 хороодын нутаг дэвсгэр нийтийн эзэмшлийн талбай, орон сууц, гэр хорооллын дундах тоглоомын талбай, сургууль, цэцэрлэгийн тоглоомын талбайд MNS 6751:2019 стандарт хэрэгжилтийн дагуу хяналт тавьж ажиллаа. 📅Уг ажлыг 2026 оны 05 дугаар сарын 18-ны өдрөөс 2026 оны 05 дугаар сарын 22-ны өдрүүдэд зохион байгууллаа.